خلى بااااااااااااااااااااااااااااااااالك
فى شوية حاجات لو اخدتى بالك منها هترتاحى كتيييييييييييييييييييير
اغسلى دايما الاكواب الزجاجية والصينى وبالاسفنجة والمسحوق وبلاش الليفة الخشنة عشان ما تتجرحش
رتبى ارفف المطبخ وخلى الرفايع دايما فى الادراج فى علب قديمة بحيث كل حاجة تحتاجيها تلاقيها من غير تعب
افرشى دايما المفارش البلاستيكية فى ارفف المطبخ حتى لا تتزحلق الاوانى والاكواب
اغسلى كل الخضار زى الطماطم والخيار والحاجات دة وافرشى فوطة نظيفة خاصة بالمطبخ عندك على الرخامة وضعى كل الخضار عليها يصفى بعد الغسل ثم ضعيه فى الثلاجة نظيف مما يسهل عليكى وقت التحضير
لما يكون عندك كمية من الليمون وخايفة عليها اغسلي الكمية واعصريها كلها بعصارة الليمون بدون ماء اواى اضافت وصبيها فى قوالب مكعبات الثلج وضعيها فى الفريزر وتكون سهلة وقت الاستخدام
خلى عندك على رخامة المطبخ برطمان شكله حلو وخلى فيه ميه وملح وفص ليمون ناعم وكل يوم حطى فيه خيار الصبح مقطع صوابع على الظهر هيكون متخلل وكما لما تكونى بتعملى سلطة الجزرة او الخيارة اللى مش عارفة تقطعيها حطيها فى البرطمان او حتى فص ليمون عصرتيه على السلطة بلاش ترميه وضعيه فى البرطمان كدة مش هترمى حاجة خاص
بعد ما تتبلى السمك للقلى بلاش ترمى قشر الليمون احتفظى بيه لوقت القلى وارميه فى الزيت وقت القلى مش هيبقى فى ريحة زفارة فى البيت خالص
خلى دايما قطعة من الفحم فى التلاجة عندك حتى لا تكون لها رائحة كريهة
افرشى على كل رف من ارفف التلاجةمفرش بلاستيكى حتى لا تقرف الاطعمة والروائح على بعضها
دايما ضعى الاطعمة فى علب لها غطاء حتى لا تظهر الروائح
رتبى التلاجة على حسب ما يحتاج الى اعلى درجة فى التبريد فيكون فى اول رف اما الاقل فى التبريد فيكون فى الرف الثانى وهكذا حتى تنتهى بالخضار فى الاخر
ضعى البقول فى ادراج التلاجة حتى لا تربى سوس
رتبى ادراج التسريحة وضعى فيها الاطباق الفايبر كشكل تقسيمى للدرج وضعى فى كل طبق مجموعة من الاغراض كاقلام الروج او المانيكير والبودريات وهكذا
خذى علبة كريم شعر قديمة ونظفيها وضعى فيها كتافة بلوزة اسفنجية تكون قديمة وثبتى فيها دبابيس طرحتك
ضعى فى ادراج الكوميدون والتسريحة والدولاب نفتالينحتى تحافظى على الاشياء المخزنة
ضعى سلة فى غرفة النوم شكلها حلو لاى مهملات وكما فى الانترية واكيد طبعا فى الحمام
فى تنظيف الحمام ضعى المسحوق على الحوض والمرحاض والارضيات والبانيو مع قليل من المطهر ولا تغسلية فى وقتها بل اتركية 5 دقائق هيكون التنضيف افضل واسهل وكمان ريحة المطهر بتثبت فى الحمام لفترة اطول
احتفظى بسرنجة وضعى فيها العطر اللى تحبيه للفرش واحقنى بيها وسايد الانتريه هتخرج ريحة حلوة لما يقعد اى حد عليها
هاتى ماء ورد للتجميل دايما وخليه فى حمامك ورشى جسمك بيه بعد ما تاخدى الشاور بتاعك هتشعرى معاة بسعادة وكمان هتحسى بجسمك مرطب وريحة جسمك وملابسك حلوة
قبل ما تلبسى شرباتك الفوال او الفيلية الجديدة اشطفيها بماء مثلج الاول او ضعيها فى الفريزر مدة ساعتان ثم اتركيها تجف وبكدة ممكن تحافظى عليها اكبر وقت سليمة ووقت ما تلبسيها اتاكدى ان اظافرك متساوية وناعمة و وانك مش لابسة خواتم فيها فصوص وان كعبك ناعم
اذا كان المانيكير اللى بتستخدميه بيصبغ لون على اظافرك بعد ما تزيليه ضعى اولا طبقة خفيفة من كريم البشرة على اظافرك وادهنيه كويس ثم ضعى المانيكير
لا تصففى شعرك وهومبلول اتركيه مدة ربع ساعة بالفوطة حتى لا يضعف
قصرى من شعرك نصف سنتيمتر كل شهر حتى لا يتقصف ويزيد من سرعة زيادة طوله واتاكدى من ان المقص حاد وسليم
صففى شعرك بالامشاط الخشب او العاج حتى يقلل من التقصيف
دايما فى وقت فراغك جهزى رفايع الطبخ وخزنيها فى الفريزر مثلا زى اعملى كمية بشامل وشيليها بس من غير ما تضيفى عليها البيض او مثلا تبلى الفراخ للشوى وشيليها وكمان تبلى الكفتة وشيليها واسلقى الفاصوليا الناشفة او اللوبيا الناشفة وشيليها واسلقى الكرنب والقرنبيط وقطعيهم وشيليهم عصجى لحمة مفرومة وشيليها
كل دة لما تحتفظى بيه مستوى ونضيف هيسهل عليكى خصوصا فى الاوقات الضيقة
يارب اكون افادتكم
موضوع: نصائح عامة 
السبت ديسمبر 19, 2009 6:22 am
